طنز شعرلر

محمدرضاشوکتی نین طنزلری

تویوق

  

سنی یاناسان تویوق آپاران

 

بیر قارینین جوت تویوغو وار ایدی

هر گون اونا قۏشا یومورتلار ایدی

بیر گون قاری تویوقلاری گؤرمه‌دی

چۏخ آختاریپ یئرلرینی بیلمه‌دی

یقین ائتدی تویوقلاری توتوپلار

آپاریپلار بازارلاردا ساتیپلار

آهلار چکیپ بو سؤزلری سؤیله‌دی،

گلیپ گئده ‌ن اونو گؤروپ دینله ‌دی

سنی یاناسان تۏیوق آپاران

اۏدلاناسان تۏیوق آپاران

نئجه  بالا من یانیرام

سن ده یاناسان تۏیوق آپاران

منیم تویوغوم آغ ایدی بالام

دریسی دۏلو یاغ ایدی بالام

دو‌نن بو وعده  ساغ ایدی بالام

یاندیم یاناسان تۏیوق آپاران

اودلاناسان تۏیوق آپاران

منیم تویوغوم چیل چیل ایدی

قاناد‌لاری میل میل ایدی

تویوق دئییل‌دی، بولبول ایدی

گؤروم یاناسان تویوق آپاران

اودلاناسان تویوق آپاران

منیم تویوغوم ساغ ایدی بالام

اونا بنزه ‌‌ین آز ایدی بالام

تویوق دئییل‌دی قاز ایدی بالام

یاندیم یاناسان تویوق آپاران

اودلاناسان تویوق آپاران

یومورتاسی دادلی ایدی

قوش کیمی قاناتلی ایدی

هر توکو بیر سازلی ایدی

یاندیم یاناسان تویوق آپاران

اودلاناسان تویوق آپاران

منیم تویوغوم آغ باش ایدی

اونو آپاران فرراش ایدی

اوغرولارلا یولداش ایدی

سنی یاناسان تویوق آپاران

اودلاناسن تویوق آپاران

منیم تویوغوم هاوادا بالام

ایییسی گلیر تاوادا بالام

خبر وئرین جاوادا بالام

سنی یاناسان تویوق آپاران

اودلاناسان تویوق آپاران

نئجه بالا من یانیرام

سن ده یاناسان تویوق آپاران

 


برچسب‌ها: تویوق
+ نوشته شده در  شنبه شانزدهم دی 1391ساعت 23:36  توسط محمدرضاشوکتی الوارعلیا  |